Տարածքը՝ 31,535 քառ.կմ 

Բնակչության թվաքանակը՝ 8,528 մարդ

Հեռավորությունը մայրաքաղաքից՝ 186 կմ

Հեռավորությունը մարզկենտրոնից՝ 69 կմ

Բարձրությունը ծովի մակարդակից՝ 910 մ

Տնտեսության առաջատար ճյուղը՝ գյուղատնտեսություն

Հեռախոսային կոդ՝ +374 (267)

 

Տավուշ բերդի անունը կրող քաղաքը Տավուշ գետի ձախ ափին է՝ շրջապատված սարերով։ Հիշատակվում է նաև Բերդագյուղ, Բերդգյուղ, Թավուզղալա, Թուզկալա, Թաուզքենդ, Թովուզկալա, Թոուս, Թոուս ղալե, Ղալաքյանդ, Շլորուտ, Ոլորուտ անուններով: Քաղաքի կլիման բարեխառն է: 

 

Քաղաքի մոտ են X դարի հայկական Տավուշ ամրոցի ավերակները, Նոր Վարագավանք և Խորանաշատ (XII-րդ դար) վանքերը, կիկլոպյան ամրոց (Քրիստոսից առաջ I հազարամյակ) և Բերդի թանգարանը:

 

Տավուշ բերդը կառուցվել է 7-րդ դարում, Տավուշի կիրճում, իսկ բնակավայրը ամրոցին հարող կիրճի մատչելի մասում է եղել, որի մնացորդները այսօր էլ են պեղվում: Տարիների ընթացքում բնակավայրը ավերվել է, իսկ բնակիչները՝ հեռացել, որոնց մի մասը հետագայում նորից վերադարձել և հիմնել է նոր բնակավայր, ամրոցի դիմաց, որը կոչվել է Բերդ: 

 

Քաղաքի տնտեսությունում գերակշռոմ է գյուղատնտեսությունը, հատկապես խոշոր և մանր եղջերավոր անասնաբուծությունն ու դաշտավարությունը, բնակչությունը զբաղվում է նաև արդյունաբերությամբ և առևտրով: Բերդում գործում է կոնյակի գործարան:

 

Քաղաքն ունի 4 միջնակարգ, երաժշտական, արվեստի դպրոցներ, պետական քոլեջ, պատմության թանգարան, գրադարաններ, մշակույթի տուն, մարզադպրոց և երկու մանկապարտեզ, գործում է ,,Գալիք,, համալսարանի մասնաճյուղ:

 

Բերդում հիմնականում բազմաբնակարան տուֆակերտ շենքեր են ու գործարաններ: